Halinchagim, Hayyo-Hu-Uv

«Halinchagim, hayyo-hu-uv» to'plami bolalarga kitob o'qitishning yangicha uslubida tayyorlandi. Ya'ni, har bir she'r matnidan so'ng shu she'r asosida yaratilgan qo'shiqning mukammal musiqiy notalari ham joylashtirildi. Bu esa to'plam qimmatini yanada oshiradi. Bu kabi kitobchalar maktabgacha ta'lim muassasalari tarbiyalanuvchilari va kichik maktab yoshidagi bolalar qalbida ezgu insoniy fazilatlarni shakllantirishda juda qo'l keladi, deb ayta olamiz. Mazkur to'plam nafaqat bolajonlarimizga, balki boshlang'ich ta'lim muallimlari, maktabgacha ta'lim muassasalari mutaxassis-tarbiyachilari, bolalar san'at maktablari pedagoglari, adabiyot va san'at to'garaklari rahbarlari uchun ham ma'qul kitob - zaruriy qo'llanma bo'lib xizmat qiladi degan umiddamiz.