Toxir Malik: Nomus

Vaqti kelganda ba'zi narsalar uchun jonni fido qilish mumkin. Ammo nomusni hech narsaga fido qilish mumkin emas. Chunki nomus jondan ham qimmatlidir. Suvning sofligi unga qiymat bergani kabi, insonning nomusi ham unga qadr keltiradi Mazkur kitobga odamiylik husnining gultoji hisoblangan nomus va hayo fazilati barobarida eng xunuk illatlardan bo'lmish nomussizlik va behayolik illatlari haqida bahs yurituvchi badiiy asarlar, shuningdek, yangi tahrir, talqin, tahlil bilan to'ldirilgan tarixiy mavzulardagi “Falak” va «Tiriklik suvi» asarlari jamlangan. Bu asarlar tarixiy voqealar haqida hikoya qilsada, muallif o'z uslubiga sodiq qolib, voqealar bayonida sarguzasht tarzini saqlab qolgan. Ushbu kitobda nomus fazilatiga erishganlar saodatga yetishsalar, shaytonga tiz cho'kib ibodat qiluvchi nomussizlarni kutayotgan azoblar haqida ham so'z boradi.