Sargardon soyalar

Xosiyat Rustamning she'rlari irmoq yanglig' qalblarga jildiragancha oqib kiradi. Shoira kitobxon bilan tuyg'ular tilida so'zlashadi. Shunday ekan, muallifning zumrad misol jilvalanmish serjilo olami siz - aziz she'rxonga muntazir. She'rlar ichra ko'z va qalb ila kezinib, nafis hissiyotlar, yorug' taskinlardan bahra olasiz. Shu bois ham kitob qalbingiz to'ridan joy olishiga shubha yo'q. Zotan, mazkur kitob ko'nglingiz mulkiga aylanishi turgan gap. Muallifning hayot haqiqati bilan to'yinib, yuksak badiiy haqiqatga aylangancha, adabiy jihatdan qadr-qimmati yuksak dilnomalari - kundaliklarida shoiraning xotiralari, o'y-kechinmalari, orzu-armonlari o'z in'ikosini topgan bo'lib, bunda nozikta'b, o'tkir didli o'quvchi Xosiyat Rustam ijodining yangi qirralarini topishiga shubha yo'q. Kitob keng adabiyotsevarlar auditoriyasiga mo'ljallangan.