Xitoy Uslubida Modernizatsiya

Modernizatsiya insoniyat tarixida eng muhim, chuqur va keng qamrovli ijtimoiy yangilanishdir. Bu nafaqat iqtisodiy tuzumning o'zgarishi, ya'ni, aholi jon boshiga past daromad darajasiga ega bo'lgan qishloq xo'jaligidan fan-texnologiya yutuqlariga asoslangan urbanizatsiya va sanoatlashuvga ulkan o'tishdir, balki an'anaviy qishloq xo'jaligidan zamonaviy sanoatlashgan jamiyatga o'tish bilan bog'liq jahon miqyosidagi tarixiy jarayondir. Bu jamiyatning barcha sohalarini, shu jumladan, iqtisodiyot, siyosat, ijtimoiy hayot, madaniyat, qadriyatlar va tafakkurni tubdan yangilash hamdir. Shuning barobarida, modernizatsiya tizimini yaratish va takomillashtirish qiyin vazifa ekanligini tushunishimiz kerak. Hozirgi vaqtda asr inqirozi va pandemiya munosabati bilan xavflik borasida ko'p muammolar paydo bo'lmoqda, jahon iqtisodiyoti tiklanishi qiyinlashmoqda, global taraqqiyot jiddiy qiyinchiliklarga duch kelmoqda, bu esa modernizatsiya tizimini yaratish yo'lida g'ovlarni paydo qilmoqda. Xalqaro nuqtai nazardan vaziyatni oldindan bashorat qilib bo'lmaydi, globallashuv muvaffaqiyatsizlikka uchramoqda, buyuk davlatlar murakkab o'yin boshlamoqda, tashqi bosim va modernizatsiya tizimini yaratish borasidagi noaniqlik tinimsiz o'sib bormoqda. Shu sababdan nashriyotimiz kitobxonlarni tub islohotlarni amalga oshirgan mamlakatlar tajribasi bilan tanishtirishga jazm etdi. Tanlovimizdagi ilk nomzod o'z iqtisodiy salohiyatini mislsiz darajada yuksaltirishga erishgan ko'hna Sharq mamlakati Xitoy bo'ldi.