Suyumbika

Mustaqillik davri o'zbek nasrida jahon tarixi mavzulariga qo'l urishdek xayrli an'ana shakllanmoqda. Muhammad Alining "Kleopatra", Xurshid Dustmuhammadning "Donishmand Sizif" romanlari, Baxtiyor Abdug'afurning "Kibr minorasi" qissasi shular jumlasidandir. Yozuvchi Risolat Haydarovaning yangi "Suyumbika" tarixiy romani mana shu yangi an'ana yo'lida yozilgan. Roman XVI asr ijtimoiy-siyosiy hayotida ro'y bergan voqealarga bag'ishlanadi. Suyumbika — tatar xalqining milliy qahramoni, Qozon xonligini boshqargan, mamlakatda qator iqtisodiy islohotlar o'tkazgan, o'z xalqining erki uchun kurashgan jasur malika. Turkiy xalqlar Suyumbikani sevganlaridan u haqida juda ko'p afsonalar to'qiganlar. Asar O'zbekiston yozuvchilar uyushmasi Nasr kengashida muhokama qilinib, ijobiy baholangan va nashrga tavsiya etilgan.