Oybahor va Dinara (Ilk sevgi bahori)

Yoshlarning pokiza muhabbati haqida hikoya qiluvchi "Oybahor va Dinara" qissasi muallifning yangi izlanishlari, jo'shqin ijodiy faoliyati samarasi sifatida dunyoga keldi. Qahramonlar - ilg'or, istiqlol g'oyalari uchun kurashning oldingi safida borayotgan yoshlar. Ular yonidagi o'z xatosi, begona yurtlarda qiynalgan, sarson bo'lganlar esa zamondoshlarimizni odam savdosi va to'g'ri yo'ldan adashish azobidan ogohlantiradi. Oybahor - odob va hayosi, matonati bilan taqdir qiyinchiliklarini yengadi va muhabbatiga dog' tushirmay niyatiga yetadi, noyob iste'dodi bilan korxona ishini mamlakatga tanitadi, o'z tengdoshlariga o'rnak bo'libgina qolmay, kattalarni ham hayratga soladi. Dinara esa ota-onasining ikki xil dunyoqarashi tufayli ko'plab xatolarga yo'l qo'yadi. Oqibatda, Sank-Peterburgga qochib ketadi, ota-onasini yolg'onlari bilan aldaydi. Ikkinchi qochishida og'ir kulfatlarga duchor bo'ladi. Ota-onasini sarson qiladi. To'g'ri yo'lga tushguncha ko'plab ko'ngilsizliklar sodir bo'ladi.