Ko'lmak suvda quyosh parchasi

Fransuz adibasi Fransuaza Sagan "Assalom qayg'u" romani orqali o'zbek kitobxonlariga yaxshi tanish. Yozuvchining ilk romanida bo'lgani kabi mazkur asarida ham insoniy munosabatlarning murakkab dunyosi qalamga olinadi. Mana shu murakkablik asosi bo'lgan o'zaro shubha, gumonlar hatto eng zig'irchasi-da - sevgilarni payhon qiladi. Tiyiqsiz nafratga olib keladi. Oxir-oqibat esa hafsalasizlik va dunyoga shunchaki etak siltashga... Kimdir hayot va insonning bunday noqisligiga ko'z yumib, yashashda davom etishning uddasidan chiqadi. Boshqalari esa ishonchsiz, sevgisiz dunyoda bor bo'lishdan ortiq naf ko'rmaydilar. Ular yo'qlik yolini o'z ixtiyoriga ko'ra tanlaydi. Sagan deyarli hamma asarida munosabatlardagi tugallikning idealini izlaydi. Jumladan, qo'lingizdagi kitobda ham. Afsus, uning kutuvlari, umidlari inson illatlari va noqisliklarining zolim to'riga tushib, qayta-qayta mavh bo'laveradi.