Muhammad (sollallohu alayhi vasallam)ga sodiq Muhammad Sodiq

Ushbu yodnoma kitob payg'ambarlarning sayyidi Muhammad sollallohu alayhi vasallamga bir umr sodiqlik bilan hayot kechirgan ulug' olim, fazilatli shayx Muhammad Sodiq Muhammad Yusuf rahimahulloh (1952–2015) haqlarida zamondoshlarining xotiralaridan iborat. Bular davrimizning benazir olimi, millat va ummatning faxri, ulug' mujaddid, faqih, muhaddis, mufassir, mutafakkir, murshid, zohid, barkamol shaxsiyat, go'zal insoniy fazilatlar sohibi bo'lmish olimning siyrat va suratlariga u zotni tanigan-bilgan kishilar tomonidan qalamga olingan ishonarli va go'zal chizgilardir. Butun umrini Alloh taoloning haq diniga, Uning mahbub Payg'ambari Muhammad sollallohu alayhi vasallam keltirgan risolatni targ'ib qilishga baxshida qilib o'tgan saodatmand insonning ichki va tashqi dunyolarini muhtaram o'quvchilarimizga to'laroq tanishtirishda ushbu kitobning manfaatli bo'lishidan umidvorlik bilan uni e'tiboringizga havola qilmoqdamiz.