Asriy An'analar davomchilari

Sivilizatsiya tarixida tanazzul yoki turg'unlik davrida kamdan - kam holatlarda ma'naviy madaniyatning favqulodda yuksalishi kuzatilgan. Davlat suverenitetini qulga kiritgan O'zbekiston uchun aynan mana shunday davr sifatida XX - XXI asrlar oralig'ini e'tirof etish mumkin. O'zbekiston Respublikasi Prezidenti Islom Karimov tashabbusi va davlatning har tomonlama qullab - quvattlashi natijasida tarix mezonida kichik fursat hisoblangan 25 yil davomida badiiy hunarmandchilik nafaqat tiklandi, balki bu qadim o'lkaning xalq amaliy san'ati rivoji yangi bosqichga ko'tarildi. Dunyoda qiyosi yo'q ushbu albomning maqsadi - xalq tili bilan aytganda Usto deb ataladigan O'zbekiston xalq hunarmandlarining ijodiy muvaffaqiyatlarini ilk marta keng taqdim etishdir. Qadim O'zbekistonning taniqli hududlarida yuksak mahorat va asriy an'analarni davom ettirib kelayotgan ustalarning badiiy usulidagi o'ziga xoslik yerqin ko'rinishda namoyon bo'ladi. Mohirona texnika hamda hayratlanarli fantaziyalar nafis va serjilo, serhasham bezaklarni dunyoga keltiradi. Bu mukammallik sari intilishning samarasi va ustalarning boy tajribasi, zamonamizning mashhur ustalari doim murojaat qiladigan an'analarsiz erishish mumkin emas. Ular nafaqat buyuk ajdodlarning bebaho merosini asrab - avaylab, hozirgi zamon nafosati, ruhiyatini singdirishmoqda, balki o'z hunari sir - asrorlarini ozod Vatanda o'sib - ulg'ayayotgan, buyuk kelajak sari intilayotgan yosh avlodga o'rgatib kelishmoqda.