Chumolilar saltanati

Bu dunyoda tirik jon borki, hammasi harakatda. Zarradek jonivordan tortib bahaybat maxluqlargacha o'z tashvishi, maqsad-muddaolari bilan andarmon. Yashash uchun kurash bir soniya ham to'xtamaydi va yer yuzidagi hayotning davomiyligini ta'minlab turadi. Erkin Malik qalamiga mansub ushbu qissada ana shunday jonzotlardan biri - chumolilarning o'ziga xos dunyosi bilan tanishasiz. Jasorat va qo'rqoqlik, sadoqat va xiyonat, olijanoblik va olchoqlik kabi jihatlar ularga ham begona emasligiga guvoh bo'lasiz. Bu jajji qahramonlarning quvonchiga qo'shilib, qayg'usiga sherik bo'lasiz. Maroqli mutolaa tilaymiz.