Ey Siri, boshladikmi?

Asabiylashgandek bo'lib qo'lidagi "aqlli" deb atalgan narsani aylantirib o'ynar ekan, o'zicha pichirladi: "Aqlli bo'lsang, qo'limdan o'zingni qutqarib ko'rchi". Jonsiz narsa bilan gaplashayotganidan qanchalik chuqur o'yga botganini anglab yetdi va "Ehtimol, aqldan ozayotgandirman" deb kulib yubordi. Kulish va aqldan ozish... "Baribir, telbalarga kulish ko'proq yarashadi" deya ovoziga kulgi effektini ham qo'shdi. Shu payt kutilmaganda boshqa bir ovoz eshitildi - bu safar yanada aniqroq va haqiqiyroq ovoz edi. Unga qarata: - Kulish jinnilik, demoqchimisiz? - deb savol berdi.