Mashhur daholar siyrati (Sharq)

Kitobning qayta ishlangan va to'ldirilgan ushbu yangi nashriga o'ttizdan ortiq ulamo va fuzalolar haqidagi ma'lumotlar qo'shimcha kiritilgan bo'lib, oyat-hadislar va boshqa iqtiboslarning arabiy matnlari ham berilgan. Mashhur alloma Shamsiddin Zahabiy qator asarlari bilan Islom olamida dong taratganlar. Bular orasida u zotning minglab muhaddis, mufaqkih, muarrixu mufassirlar to'g'risida qimmatbaho ma'lumot berilgan bir necha jilddan iborat «Siyaru a'lamin nubalo» kitoblari alohida ahamiyatga ega. Ko'plab ilmiy tadqiqotlar, tarjimayu tahlillar uchun manba bo'ladigan bu bitik-xazinada yuzlab vatandoshlarimizga xam munosib o'rin berilgan. Buxoro tumanidagi «Chor Bakr» Jome' masjidi imom-xatibi Azizxo'ja Inoyatov tomonidan amalga oshirilgan ushbu tarjima orqali ularning ikki yuzdan ziyodi bilan tanishish ma'naviyatimizning boyishiga ulkan xissa qo'shishi shubhasiz.