Tungi suhbat

Misrning zabardast yozuvchilaridan biri - ssenariynavis, dramaturg Najib Mahfuz, asosan, romantizm, realizm, ekzistensializm yo'nalishlarida ijod qilgan. Uning hikoyalari, qissalari va romanlari son jihatdan ko'p bo'lsada, mazmun jihatidan bir-biriga aslo o'xshamaydi. Takrorlanmas voqeliklar va iboralarga, turli syujetlarga boy asarlari uchun Nobel mukofoti bilan taqdirlangan. Ushbu kitobdagi hikoyalarni mutolaa qilar ekansiz, ham qadriyatlar, ham zamonaviylik, ham xurofotlar qorishgan bir butunlikka duch kelasiz. Ulardagi majoziy ma'nolar, qochirimli iboralar, xulosa chiqarishni kitobxonning o'ziga havola etish kabi elementlar yozuvchining ijodi haqiqatan ham, tahsinga sazovor ekanini ko'rsatadi.