Alibaba. Jek Ma bunyod etgan maskan

"Alibaba: Jek Ma bunyod etgan maskan" - oddiy ingliz tili o'qituvchisi qanday qilib dunyodagi eng qimmat kompaniyalardan birini yaratgani va jahon iqtisodiyotini o'zgartirib yuborgani haqida hikoya qiladi. Kitobda “Alibaba” kompaniyasining dunyoga kelishi va misli ko'rilmagan muvaffaqiyatga erishishida nafaqat Jek Madagi ishtiyoq, qat'iyat, tap tortmaslik, xarizma, kirishimlilik va boshqa xislatlar, balki o'sha davrda shakllangan qulay muhit, raqiblarning jiddiy xatolari, Xitoyning o'ziga xos siyosati kabi boshqa omillar ham muhim rol o'ynagani yoritilgan. Shuningdek, Jek Maning muvaffaqiyatga erishish qoidalari va ularning tatbiqi ham tasvirlangan. Kitobni o'qir ekansiz, “Alibaba” kompaniyasining oyoqqa turishi bilan bir qatorda, Xitoy iqtisodiyotining rivojlanish jarayoni, inqilobiy islohotlar, xitoy tadbirkorlari va xalqining bozor iqtisodiyoti uchun kechgan og'ir hamda matonatli kurashiga ham guvoh bo'lasiz.