Ovchining xotiralari

Taniqli rus klassik yozuvchilaridan biri Ivan Sergeyevich Turgenev o'z asarlarida oddiy xalqning turmush tarzini, tabiat manzaralarini chizishda noyob qobiliyatini namoyon etib, keng kitobxonlar ommasining e'tiboriga sazovor bo'lgan. Uning mahorat bilan yozilgan hikoya, qissa va romanlari o'zining beqiyosligi bilan o'quvchini hayratga soladi. Mazkur kitobdan ham yozuvchining dunyo miqyosida e'tirof etilgan roman, qissa va hikoyalari o'rin olgan. Uning “Mumu” hikoyasi jahondagi ko'p tillarga tarjima qilinganining o'ziyoq yozuvchining badiiy salohiyati yuqoriligidan darak beradi.