Sensiz xotiralar yo'q

Ushbu kitobda muhabbat uning sahifalaridan ham ko'proqdir. Mayus, quvnoq, nochor hamda ilhomlantiruvchi muhabbatdan. Agar sevsangiz, uning mazmunidan qat'iy nazar sevishda davom etavering. Yolg'iz bo'lsangiz, bir narsani esingizdan chiqarmang - muhabbat ba'zida ko'zga ilinmas darajada kichik bo'ladi, ammo u doim sizni o'rab turadi. Sizda va ularning botinida. Nima bo'lganda ham muhabbatga ishoning. Muhabbat va hayot abadiy egizak hamda barhayotdir. Biz yozuvchi Elchin Safarlining “Sensiz xotiralar yo'q”, shuningdek, “Bosfor tubidagi muhabbat” asarlarida muhabbatning yangi kuyini tinglaymiz. Ulardan o'zgacha zavq va surur olamiz. Yashashga ishtiyoq va sevgining otashin tug'yoni har bir yurakni yangidan-yangi marralarga chorlayveradi.