Alloh taolo sizni sevishini xohlaysizmi?

Har kim Allohga yoqishni istaydi. Lekin Alloh kimni, nima qilsa yaxshi ko'radi - buni ko'pchilik o'ylamaydi. Biz Allohni yaxshi ko'rishimizni ming bor aytsak ham Alloh bizni sevmasa, aytgan gapimiz quruq davo bo'lib qolaveradi. O'ylab ko'ring, bir badavlat va obro'-hurmatli insonning muhabbatini qozongan odam o'zini qanday his qiladi? Endi butun olamlarning Egasi, bizga hayot bergan, ne'matlar ato etgan Allohning muhabbatiga erishsak-chi?! Allohning suyuklisi bo'lishdan ko'ra kattaroq baxt bormi? Buning yagona yo'li - ixlosli mo'min bo'lish. Alloh taologa sevimli banda bo'lish uchun nima kilishimiz kerak? Alloh taolo qanday insonlar va qaysi amallarni yaxshi ko'radi? Kitobda Alloh taolo sevgan bandalar, ularning belgilari va Alloh taologa qaysi amallarimiz mahbubroq ekani haqida so'z yuritamiz, inshaalloh. Har bir amalimizni ixlos va Unga muxabbat bilan qilsak, Alloh taolo bizni yaxshi ko'rishi va gunohlarimizni kechirishi mumkin.