Odam anatomiyasi

Odam anatomiyasi tibbiyotning fundamental fanlaridan biri hisoblanadi. U talabalarni bo'lajak mutaxassislik fanlarini chuqur o'rganishlari uchun zamin yaratadi. Darslik tibbiyot oliy o'quv yurtlarining bakalavriat ta'limi yo'nalishi bo'yicha davolash ishi (60910200), pediatriya ishi (60910300), tibbiy profilaktika ishi (60910400), stomatologiya (60910100), tibbiy biologiya ishi (60910600) va xalq tabobati (60911100) fakultetlarining o'quv rejasiga mos ravishda tayyorlangan. Shuningdek, undan tibbiyot texnikumlarining talabalari ham foydalanishlari mumkin. Kitob hozirga qadar respublikamizda odam anatomiyasi fanidan nashr etilgan darsliklardan bir muncha farq qiladi. Unda keltirilgan ko'p sonli rangli rasmlarda mushaklar va ichki a'zolarning anatomik tuzilishi bilan bir qatorda ularni qon va nerv bilan ta'minlanishi, vena hamda limfa tomirlari yo'nalishlari keltirilgan. Bunday yondashish nafaqat bo'lg'usi shifokorga inson organizmiga bir butunlikda qarash imkoniyatini yaratadi, balki kitobni amaliyotda ishlayotgan vrachlar uchun ham muhim qo'llanmaga aylantiradi.