"Temur Tuzuklari" forschadan Alixontura Sog'uniy tarjimasi

“Temur tuzuklari” podsholarning turish-turmushlari va odob-axloq normalarini belgilab beruvchi asar hisoblanadi. Asarda jahongir Amir Temurning yetti yoshidan to hayotining so'ngigacha kechgan ijtimoiy-siyosiy hayoti, harbiy yurishlari, taxt vorislariga vasiyat va pand-nasihatlari ixcham bayon etilgan. Asarni o'qigan o'quvchi Amir Temur davri va o'sha davr ijtimoiy-siyosiy hayoti haqida to'laqonli tushunchaga ega bo'libgina qolmay, muhim va original ma'lumotlardan xabardor bo'ladi. Mazkur maqolada Sohibqiron Amir Temurning farzandlari va nabiralariga nasihat tarzida bitilgan “Temur tuzuklari” haiqda so'z boradi. Unda sipoh, raiyat, soliq masalalari, davlat boshqaruvi, farzandlar tarbiyasiga doir qimmatli maslahatlar o'rin olgan. Shuningdek tuzuklarda ko'tarilgan ilm –marifat va inson omilini ulug'lash kabi masalalarni hozirgi kunga tadbiq etishdagi tarbiyaviy ahamiyati masalalari tahlil etilgan.