Bir asrlik omonat (Tegovchi)

Halol, vijdonli, iymonli oila boshlig'i vahshiylarcha o'ldirib ketiladi. O'sha kuni maktab direktori bo'lib ishlaydigan o'g'li ham bedarak yo'qoladi... Bunday mudhish jinoyat sodir etilishiga nima sabab bo'ldi? Boylikmi yoki qasos olishmi? Axir bu oila namunali, shu bilan birga umr bo'yi quruq maoshga kun ko'rib kelgan, uyida hatto yengil mashinasi ham bo'lmagan xonadonlardan biri edi-ku! Bu asarda ham tergov guruhi boshlig'i Sanjarbek jinoyatni fosh qilishda o'z kasbiy mahoratini, tergovchiga xos bo'lgan ziyraklik, aqlu zakovatini namoyon etadi. Asar voqealari asrimizning birinchi o'n yilligi o'rtalarida bo'lib o'tadi. Yozuvchi ushbu asarida qabih jinoyatning sabab va oqibatlarini tasvirlash bilan birga, o'sha davrdagi paxta yakkahokimligining inson salomatligiga salbiy ta'siri, tibbiyot va ta'lim tizimidagi adolatsizliklar, sud tizimining nohaqliklarini ham hayotiy misollar asosida yoritadi.