Rivoyatlar kitobi

Muhtaram kitobxon! Bolaligimiz kechgan yillari ota-onalarimiz bizga tarbiya berish maqsadida aytib bergan ibratli hikoya va rivoyatlarni tez-tez qo'msab qolaman, bitta-yarimta esda qolganini nabiralarimga so'zlab beraman. Ammo bular dildagi armonlarga malham bo'lolmasligini sezib, o'sha rivoyatlarni to'plab, qog'ozga tushirishga kirishdim. Bir necha yillar mobaynida yozuvlar asta-sekin ko'payib, nihoyat qo'lingizda turgan ushbu «Rivoyatlar kitobi» yuzaga keldi. Unga turli davrlardagi voqealardan hikoya qiluvchi bir yuz ellikdan ortiq rivoyat kiritildi. Ushbu kitob bolalar tarbiyasi sohasida olib borilayotgan ishlarda qo'l kelsa, farzandlarimizni yaxshilikka, ezgulikka, insofga, adolatga, pok e'tiqodga chorlasa, axloq-odoblaridagi qusurlarni yo'qotishda foydasi tegsa, musannif o'z oldiga qo'ygan maqsadiga erishgan bo'lur edi. Kamoli ehtirom ila: Ahmad Muhammad Tursun