Money laqabli kuchukcha

Bodo Shefer - moliya va davlatmandlik nazariyasi mavzusida qalam tebratib, katta muvaffaqiyat qozongan jahon yozuvchilaridan biri hisoblanadi. Uning barcha asarlari bozorgir kitob sifatida e'tirof etilib, jahonning 30 dan ziyod tiliga tarjima qilingan. Muallifning 1-sonli bozorgir kitobi bo'lmish «Moliyaviy erkinlik sari yo'l» nomli asari butun dunyoda 10 milliondan ortiq nusxada sotilgan. O'zi moliya dahosi bo'lib, inson tilida gapira olgan, bolalar va yoshi kattalarga moliyaviy ishlarni boshqarishning sir-asrorlarini soddagina tilda tushuntirib bergan Money laqabli labrador zotiga mansub it haqida juda ta'sirli hikoya qo'lingizdagi kitobdan o'rin olgan. Mazkur asar kitobxonlarning keng ommasi uchun mo'ljallangan. Rus tilidan o'zbek tiliga Sh. Z. Dolimov tarjimasi