Olmos kamar (Turon zamin)

Buva-buvi, ota-ona, o'g'il-qiz. Bir sulolaning uch avlodini ramziy daraxt, deb olinsa, o'sha daraxtning mustahkam qad kerib turishi uning o'rta bo'g'iniga, ya'ni ota-onaga bog'liq bo'ladi. Negaki, kundalik ehtiyojlarni qoplash uchun, erta-yu kech tinim bilmay mehnat qilishdan bo'lak, g'animat keksalarning ko'ngliga qarash, shuningdek ulg'ayayotgan farzandlarning porloq kelajagini ta'minlash ham ularning zimmasidagi mushkulotdir. Hayotning bunday ma'suliyatli damlarida o'rta bo'g'inning biron layoqatsizlikka yo'l qo'yishiga haqqi yo'q. Mustahkam baxtli oila ularning metin iroda ila turli-tuman qiyinchiliklarni yenga olishlari evaziga barpo etiladi. Mohir adib "Olmos kamar" asarida ota-onaning qariyalar va bolalar oldidagi muhim rolini hayotiy voqealar bilan ishonarli tasvirlaydi. Asar shu tomonlama yosh kitobxonlarga hayotiy tajriba ulasha oladi, degan umiddamiz.