"Gruntlar Mexanikasi Zamin va Poydevorlar" fanidan "Sanoat va Fuqaro Binolarini poydevorlarini hisoblash va loyihalash" mavzusidagi kurs loyihasini bajarish bo'yicha uslubiy qo'llanma

Zaminlarning deformatsiyaga hisoblashda poydevor tuzilmasini arzonlashtiradigan birdan-bir yo'l zaminning yuk ko'tarish qobiliyatini to'la hisobga olishdir. Buning uchun bino va inshoot zaminiga ta'sir etuvchi yuqori bosim miqdorini nazarda tutish lozim. Ushbu miqdor inshoot uchun yo'l qo'yish mumkin bo'lgan deformatsiyaning miqdorigagina bog'liq bo'lmay, balki zaminning o'lchamlari, grunt qatlamlarining turlari va ularning fizik-mexanik xossalariga ham bog'liq.