Oliy ta'limning ko'rinmas muammolari

Bugungi oliy ta'lim tizimi haqiqatan qanday holatda? Talaba, o'qituvchi va ota-onalarni qiynayotgan asosiy muammolar nimada? Ushbu kitob aynan shu savollarga chuqur va asosli javob beradi. Muallifning ko'p yillik shaxsiy hamda kasbiy tajribasiga tayangan holda yozilgan asarda mamlakatimiz oliy ta'lim tizimining bugungi holati tahlil qilinadi. Xususan, muhandislik ta'limidagi dolzarb masalalar, kredit-modul tizimi, ilmiy-tadqiqot faoliyati samaradorligi, yosh tadqiqotchilar muammolari va ta'lim sifatiga ta'sir qiluvchi omillar keng yoritilgan. Kitobda: oliy ta'limdagi tizimli muammolar; mehnat bozori va ta'lim integratsiyasi; xorijiy ekspertlarni jalb qilish; meritokratiya tamoyillarini joriy etish; talabaning mustaqil ta'limini rivojlantirish kabi muhim mavzular amaliy misollar asosida tahlil qilinadi. Muallif muammolarni shunchaki sanab o'tmaydi — ularning tarixiy ildizlarini ochib beradi va konstruktiv yechimlarni taklif qiladi. Mazkur kitob talabalar, ota-onalar, pedagoglar, ilmiy tadqiqotchilar hamda ta'lim sohasiga qiziqadigan barcha kitobxonlar uchun foydali manba bo'lib xizmat qiladi.