Islomga bag'ishlangan umr

Bugungi kunda yurtimizda fazilatli shayx Muhammad Sodiq Muhammad Yusuf hazratlarining asarlari kirib bormagan xonadon yo'q hisob. U zotning kitoblari qo'shni davlatlarga, hatto Rossiyaga, Janubiy Koreyaga ham eksport qilinmoqda, rus, ingliz, olmon tillariga tarjima qilinmoqda. Ulug' allomamiz oxirat dunyosiga rihlat qilganlaridan keyin u kishining shaxslariga, hayot yo'llariga bo'lgan qiziqish yana-da ortdi. U kishi ham hamma qatori maktabda, madrasada, oliygohlarda o'qiganlar, ammo qanday qilib bu qadar oliy darajalarga erishganlar? Hayot sinovlaridan qanday o'tganlar? U zotning ota-onalari qanday insonlar bo'lishgan? Oilalari, farzandlari-chi? Ushbu savollarga hazratning bolaliklaridan to hayotlarining so'nggi damlarigacha birga bo'lgan, hayot tashvishlari va quvonchlarini birga boshidan kechirgan ukalari Muhammad Amin Muhammad Yusuf baholiqudrat javob berganlar. Ushbu xotiralarni o'qib, bu buyuk insonni o'zingiz uchun yana bir bor kashf etasiz degan umiddamiz.