O'rmondagi Portal

Malikjon Shermatovning "O'rmondagi portal" nomli ertagi kitobxonni oddiy bog'dan boshlanib, sehrli mamlakatning markaziga olib boruvchi hayajonli sarguzashtlar olamiga yetaklaydi. Ertak markazida turgan qahramonlar yo'qolgan qimmatbaho toshni qidirish asnosida nafaqat afsonaviy shohlar va gapiruvchi jonivorlar, balki kutilmaganda dunyo futbol yulduzlari — Messi, Neymar, Levandovskilar bilan ham yuzma-yuz kelishadi. 12 yoshli bolaning beg'ubor nigohi, quvnoq tili bilan bayon etilgan bu asar chinakam do'stlik, mardlik, mo'jizalarga ishonch haqida hikoya qiladi. Kitob yakunidagi kutilmagan vaqt va makon o'yini esa har bir o'quvchini "bu tushmi yoki o'ng?" degan sirli savol qarshisida qoldiradi. Asarda Mo'tabarxon Shermatova chizgan rasmlardan foydalanilgan.