Qalbing shifosi

Hamid Nasrulloyevning asosiy kasbi - vrachlik. Tabiiyki, ko'p vaqti bemorlarga shifo berish bilan o'tadi. Umidli shikastaband, ya'ni travmatolog. Ammo she'riyat - uning jonu dili. Yozganlari yomon emas. Ham zamonaviy, ham mumtoz an'analarga suyanadi. Mashqlari orasida shoirona izlanishlari hosilasi bo'lgan she'rlar - anchagina. Mavzulari Vatan, ona, ota, tabiati, tong, bolalik, yoshlar, sevgi, vafo, hijron, baxt, tarix, ijtimoiy-siyosiy jarayonlar... Alisher Navoiy g'azallariga taxmislar bog'lagan, Navoiy va Muhammad Yusuf she'rlariga naziralar bitgan. Rus she'riyatidan tarjimalar qilgan. Ayrim she'rlarida shifokorona mulohazalar yorqin aks etgan ham.