Jahon adabiyoti kutubxonasi: Tugallanmagan sahifa

Bir narsa vayron bo'lmaguncha, uning o'rnida yangisini barpo etib bo'lmaydi. „Nomzod" asari mana shunday chirigan tizimning qulashi va yangi, anchayin demokratik qarashni talab etadigan jamiyatning paydo bo'lishi naqadar hayotiy zaruriyatga aylanishi borasidagi haqgoniy voqeani o'zi-da aks ettirgan qissadir. Asar qahramoni olamshumul ixtiro bo'sag'asida tursa-da, uni so'nggi nuqtada korrupsiya, mahalliychilikka botgan jami-yatning illatlari sun'iy to'siq bilan ushlab turadi. Muallif uning obrazida iqtidorli odam ham bunday muhitda o'zligini yo'qotib qo'yishi hech gap emasligini ro'yi-rost ko'rsatib o'tadi. Iqtidor, adolat qadrlanmaydigan yerda, albatta, taraqqiyot ham bo'lmaydi. Biroq burgaga achchiq qilinib ko'rpa kuydirish ham yaramaydi. Har qanday munosib ish vaqti kelib o'z o'rni, qadrini topadi. Buning uchun esa kutmoq, sabr etmoq, iroda ko'rsatmoq lozim!