Hayot - muallim

Kitobning "Hayot - muallim" deb nomlanishi bejiz emas. Chunki bizning hayotdan o'rganadiganimiz, oladigan ta'limimiz nihoyatda ko'p. Buning uchun barchamiz mavjud imkoniyatlarni boy bermay, o'z ustimizda ishlashimiz, dunyo hikmatlarini, hayotda ko'rgan-bilganlarimizni, voqea-hodisalarni talqin qilib, ongimizga singdirishimiz, o'zligimizni anglashimiz, o'zimizni bilishimiz kerak. Hayotdan ta'lim oliy insonga o'zini yaxshi tushunishga, salohiyatini rivojlantirishga, hayotning ma'nosini o'qishga va hayotda o'rnini topishga ko'maklashadi. Shuningdek, u o'zini uzi qadrlay bilishga, fikrini erkin bayon eta olishga, turmushda uchraydigan murakkab sharoitlarda to'g'ri yo'l topishga, mustaqil qaror qabul qilishga va o'z taqdiriga mas'uliyat bilan qarashga o'rgatadi. Bu nafaqat o'zi uchun, balki atrofidagilar uchun, jamiyat, Vatan, butun insoniyat uchun muhim ahamiyatga ega. Bularning hayot ta'limisiz amalga oshishi amri mahol. Muallif ana shu ne'mat, hikmat, ibrat bo'lgan hayotiy ta'lim, odob-axloq va qadriyatlarimiz bilan bog'lik masalalar haqida baholi qudrat fikr yuritib, ko'nglidagi uylarini, mushohada va mulohazalarini taqdim etishga jazm qilgan. Kitob muhtaram o'quvchilarimizga ko'p jihatdan foydasi tegib, manzur bo'ladi degan umiddamiz. Ko'proq ko'rish

320 стр. Если читать по 20 минут в день, вы закончите её примерно за 16 дней.