Men - otamning qiziman

O'zbekiston xalq yozuvchisi Shukur Xolmirzayev XX asr o'zbek milliy adabiyotining yirik vakili, takrorlanmas noyob iste'dod egasi edi. Mazkur kitob sevimli adibimiz Shukur Xolmirzayevning hayoti va ijodini o'rganish, xotirlash va yodga olish borasidagi yana bir qadamdir. Ushbu to'plamga yozuvchining qizi, O'zbekiston Yozuvchilar uyushmasi a'zosi, filologiya fanlari nomzodi, dotsent Sayyora Xolmirzayevaning Shukur Xolmirzayevning hayoti va ijodiga oid hamda unga yaqin bo'lgan insonlar haqida yozgan maqolalari, esse va suhbatlari jamlangan.