Sog'lom e'tiqod va tarbiya kitobi

Mazkur kitobda iymon, islom, axloq-odobga doir eng muhim masalalar savol-javob uslubida, diyorimiz musulmonlari amal qilayotgan hanafiy mazhabi asosida sodda uslubda bayon qilingan. O'quvchining imkoniyati va qiziqishlari inobatga olinib, har mavzudan so'ngra ibratli hikoyat va rivoyat, muborak kalomlar, shuningdek, dunyo mutafakkirlarining hikmatli so'zlari, "Qobusnoma" asaridan parchalar va Luqmoni Hakimning o'g'liga nasihatlari, Abduxoliq G'ijduvoniy, Bahouddin Naqshband kabi zotlarning muborak o'gitlari bayon etilgan. Alisher Navoiy, Maxtumquli, Boborahim Mashrab va boshqa shoirlarimizning nazm javohirlari kitobning mazmun-mohiyatini yanada boyitgan. Ulug' vatandoshimiz Imom Abu Mansur Moturidiyning "Pandnoma" nomli asaridan ayrim boblar, Imomi A'zam Abu Hanifaning "Fiqhul akbar" asari, shuningdek "Qirq hadis, hikmat, maqol" bilan ham ushbu kitobning ilova qismida bahramand bo'lasiz.