Quyosh qoraymas

Oybekning nasriy asarlari orasida o'zbek xalqining Ikkinchi jahon urushidagi jasorati tasviriga bag'ishlangan "Quyosh qoraymas"(1943-1959) alohida e'tiborga loyiq. Adib mazkur romanini garchand G'arbiy frontga qilgan safaridan qaytiboq yoza boshlagan bo'lsada, urush to'g'risidagi dahshatli haqiqatni aytish iloji bo'lmagani uchun, uni 50 yillarda - xastalik paytida yozib tugatdi. Oybek Bektemir va uning ikki jangovar do'stining timsolini yaratish orqali Sovet davlatining urushga tayyorgarliksiz kirgani va sarkardalarning qo'pol xatolari tufayli millionlab kishilar, shu jumladan, o'zbek jangchilarning "to'p yemi" bo'layotgani haqidagi haqiqatni badiiy mujassamlantirib berdi.