Davlatim - Otam, Jannatim - Onam

Ota-ona har bir inson uchun eng mo'tabar va eng e'zozli insondir. Ularning qadr-qimmati, haq-huquqlari nihoyatda bisyor. Ushbu to'plamga ota-ona haqidagi sara she'rlar jamlangan bo'lib, u siz kabi farzandlar uchun ajoyib guldastadir. Ushbu mo'jaz guldastani qo'lga olar ekansiz, avvalo, uning ajoyib iforidan bahra olasiz, go'zalligiga tan berasiz, bag'ringizga mahkam bosib, ruhiyatingizda o'zgacha jozibadorlikni his etasiz. Mutolaa jarayonida ota-onaning haqlari, ularga yaxshilik qilishning fazilatlari, ularga ozor berish va oq bo'lishning ofatlari, shuningdek, ota-onaning farzandlari oldidagi burch va majburiyatlarini yana-da yaxshiroq anglaysiz. Beixtiyor beg'ubor bolalik chog'laringizga sayr etib, o'tmishni eslaysiz, ota-onangiz siymosi ko'z oldingizda gavdalanib, mehringiz jo'shib, ko'zingiz namlanadi. To'plovchi: Erkin Qudratulloh Nashrga tayyorlovchi: Salohiddin Gadoyev