So'zi gavhar, fikri olmos san'atkor

Atoqli san'atkor, O'zbekiston xalq yozuvchisi O'tkir Hoshimov merosi xalqimiz uchun eng bebaho, asl aynimas va tuganmas xazinalardan biridir. O'quvchi har safar bu xazinadan yangi-yangi yombi gavharlarni, olmosdek qadri baland fikrlarni topadi va bahramand bo'ladi. Taniqli adabiyotshunos olim Yo'ldosh Solijonov ushbu kitobida adib san'atkorligining badiiy nutq poetikasiga xos fazilatlarini yoritishga harakat qilgan. Maqolalarda muallif asosan adib asarlari haqida mutaxassis sifatida o'z qarashlarini bayon qiladi. Kitob O'tkir Hoshimov ijodi bilan qiziquvchi barcha o'quvchilarga manzur bo'ladi, degan umiddamiz.