Qosimjon Sodiqov: O'zbek mumtoz adabiyoti (Qadimgi turkiy adabiyot)

Ushbu kitob turkiy xalq og'zaki ijodining eng eski yodgorliklari, ularning badiiy tafakkur tarixida tutgan o'rni, badiiy, g'oyaviy-estetik xususiyatlari; turkiy yozma adabiyotning yuzaga kelishi va uning ilk bosqichlari haqida fikr yuritiladi. Turli adabiy muhitlarda, turli yozuvlarda bitilgan adabiy asarlar, tarixiy-badiiy, diniy-falsafiy bitiglar misolida qadimgi turkiy yozma adabiyotning o'ziga xos xususiyatlari bayon qilinadi. Ko'k turk bitiglari, moniychilik va buddizm, nasroniylik davrlaridan qolgan o'lmas yozma obidalar, ilk o'rta asrlarda islom muhitida yaratilgan nodir asarlar, ularning mazmuni, g'oyasi, poetologiya masalalari, qadimgi turkiy adabiyotning keyingi davrlar adabiyotiga, xususan, o'zbek mumtoz adabiyotiga ta'siri haqida so'z boradi. Darslik tolibi ilmlarga, shuningdek, ayni sohada izlanish olib borayotgan filolog-mutaxassislarga mo'ljallangan.