«Telba» ayol muhabbati

«...O'qigan kitobimiz bosh suyagimizga urilgan zarba kabi bizni larzaga keltirmasa, nega uni o'kishimiz kerak?!» Bir kancha detektiv va sarguzasht qissalar, hikoyalar muallifi Zulayxo Masharipovaning qalblarni larzaga soluvchi ushbu kitobini o'qir ekanmiz, beixtiyor F.Kafkaning yuqoridagi so'zlarini yodga olamiz. Tom ma'noda kitobdagi qissa va hikoyalar kitobxonni Vatanga, ota-onaga, jigarlariga, atrofdagilariga bo'lgan mehr-oqibati haqida jiddiy o'ylab ko'rishga majbur etadi. Shu bilan birga, asr vabosi giyoxvandlikning o'lim bilan tugaydigan oqibatlari, «kora dori» oldi-sotdisidan jabr ko'rayotgan begunoh insonlar hayoti, jinoyatchilikka qarshi kurashdagi huquq-targ'ibot idoralari xodimlarining mashaqqatli mehnatlari ko'z oldimizda namoyon bo'ladi.