Bobur asarlari lug'ati

O'zbekiston Yozuvchilar uyushmasi axborot xizmatining xabar berishicha, «Bobur asarlari lug'ati» nashr etildi. Unda «Boburnoma», «Bobur devoni» va «Mubayyin» asarlaridagi so'zlar izohi berilgan. Lug'at O'zbekiston Yozuvchilar uyushmasi homiyligida «Adabiyot» nashriyotida chop qilindi. Bu, jahon tarixida o'chmas iz qoldirgan betakror siymolardan biri, buyuk shoir, qomusiy olim, davlat arbobi va mohir sarkarda Zahiriddin Muhammad Bobur tavalludining 542 yilligi uchun munosib sovg'adir.