Moviy Fursatlar

MOVIY FURSATLAR Zamonaviy o'zbek adabiyotida ijodkorlar talaygina. Bu maydonda o'z so'zini aytish hammaga ham nasib qilavermaydi. So'zga sadoqat bilan munosib ijod qilayotgan shoiralarimizdan biri Ozod Bekmurodova ijodiga nazar solsak, umumbashariy g'oyalar, onalik baxti, farzandlik mas'uliyati ko'zga tashlanadi. Ushbu kitobdagi “Najotiyga”, “Yolg'izlik buyuk dars” kabi she'rlar insonni chuqur o'yga toldiradi. Qaqragan tomog'ingizga bir piyola muzdek suv kabi yoqimli so'z tutadi va siz “Moviy fursatlar” bilan gullash, yosharish, barq urish fasliga kirasiz. Ko'nglingiz bahor, lahzalaringiz yorug' bo'lsin! “Moviy fursatlar” barchamizga muborak, aziz kitobxon! Kitob O'zbekiston Yozuvchilar uyushmasi homiyligida chop etildi.