Jumaboy Rahiimov: Buyuk davlat arbobi, ulug' sarkarda va qomusiy olim

Ushbu tarixiy-ilmiy, ilmiy-publitsistik asar O'zbekiston Respublikasi Prezidentining 2023-yil 25-yanvardagi "Buyuk davlat arbobi, buyuk sarkarda, shoir va mashhur olim Zahiriddin Muhammad Bobur tavalludining 540 yilligini keng nishonlash to'g'risida"gi qaroriga amaliy javob sifatida tayyorlanib, keng jamoatchilikka havola etilmoqda. Shonli tariximizga ham, bugungi kunimizga ham nazar solsak, Andijon zaminida ko'plab sohalarda qanchadan-qancha buyuk va fidoyi insonlar kamol topganini ko'ramiz. Chunki andijonliklarning o'z xalqi va or-nomusi uchun maydonga belbog' bog'lab chiqishi azaliy an'anadir. Misol uchun, buyuk ajdodimiz Zahiriddin Muhammad Boburni olaylik: bu ulug' zot 12 yoshidan boshlab yirik markazlashgan temuriylar davlatini saqlab qolish uchun tinimsiz kurashdi. U na yovuz dushmanlardan, na xatarli sinovlardan qo'rqdi. Qirq yetti yillik umri davomida bir lahza ham tinchlik bilmay, avlodlariga va Vataniga bo'lgan ulkan muhabbatini, olijanob fazilatlarini namoyon etib, bizga muborak meros qoldirdi. Zahiriddin Muhammad Bobur bizning bobomiz, qonimiz, farzandlarimizga faxr bilan so'zlab berishimiz mumkin bo'lgan buyuk ajdodimizdir. U Andijonda ulg'aygan. Barchamizga ma'lumki, Zahiriddin Muhammad Boburdan o'z yurtiga bo'lgan cheksiz muhabbat va ezgu fazilatlar meros bo'lib qolgan. El-yurt taqdiri uchun o'zini ayamay, charchoq bilmay yashagan bunday ajoyib insonlarning avlodlarini bugun Andijonda uchratish mumkin. Men barchamiz yaxshi biladigan Bobur xalqaro jamg'armasi raisi hurmatli Zokirjon Mashrabovni ana shunday mard va vatanparvar inson deb bilaman. Uning faoliyati haqida to'liq ma'lumot berish uchun alohida anjuman o'tkazsak ham yetarli bo'lmaydi. Zokirjon akaning sa'y-harakatlari bilan Andijonda Zahiriddin Muhammad Boburning ramziy qabri va yodgorlik majmuasi barpo etildi. Bobur va uning ijodiy merosini chuqur o'rganish hamda targ'ib etish bo'yicha qanday ulkan ishlar amalga oshirilgani sizlarga yaxshi ma'lum. O'zbekiston Respublikasi Prezidenti Shavkat Mirziyoyev