Erkin, obod va farovon mamlakatni - Yangi O'zbekistonni barchamiz birgalikda barpo etamiz

2023 yil 9 iyulda mamlakatimiz hayotida muhim siyosiy voqea - muddatidan ilgari O'zbekiston Respublikasi Prezidenti saylovi bo'lib o'tdi. Saylov yakunlariga ko'ra, Tadbirkorlar va ishbilarmonlar harakati - O'zbekiston Liberal-demokratik partiyasidan nomzod Shavkat Miromonovich Mirziyoyev 87,05 foiz ovoz olib, O'zbekiston Respublikasi Prezidenti etib saylandi. Ushbu kitobdan O'zbekiston Respublikasi Prezidenti Shavkat Mirziyoyevning Tadbirkorlar va ishbilarmonlar harakati - O'zbekiston Liberal-demokratik partiyasining XI syezdida, Qorakalpogiston Respublikasi, viloyatlar va Toshkent shahri saylovchilar vakillari bilan o'tkazgan saylovoldi uchrashuvlarida so'zlagan ma'ruzalari, shuningdek, Prezidentlik lavozimiga kirishish tantanali marosimiga bag'ishlangan Oliy Majlis palatalari qo'shma majlisidagi nutqi o'rin olgan.