Ming quyosh shu'lasi

Aziz kitobxon! Taniqli amerikalik afg'on adibi Xolid Husayniy qalamiga mansub, juda katta shov-shuvlarga sabab bo'lgan asarni hukmingizga havola etmoqdamiz. Asarda yaqin o'tmishda, bizdan atigi bir necha yuz chaqirim yiroqda yuz bergan haqqoniy voqealar tilga olingan. Asar qahramonlarining fojiaviy qismati bilan tanisharkansiz, ularga nisbatan hamdardlik hissini tuyish barobarida tinchlik, osoyishtalik, farovonlik singari ne'matlarning qanchalik bebaho ekanini anglab yetasiz. Qalbingizda biz yashayotgan zamon va makon uchun behad shukronalik jo'sh uradi. Xullas, o'zingiz o'qing, zavq oling, iztirob cheking va xulosa chiqaring, azizlar!