Qalblar tabobati

Jismoniy tarbiya orqali tanamizni tarbiyalaymiz. Ruhiy tarbiya orqali esa nafsimizni tarbiyalaymiz. Nafs gunoh-ma'siyat bilan kirlanadi. Agar o'z holiga tashlab qo'yilsa, nopok nafsga aylanadi. Ruhiy tarbiyaning ahamiyati shunda. Tanamiz kasallikka uchrasa, shifokorga murojaat qilamiz, o'zimizcha davolanmaymiz. Xuddi shunga o'xshab, ruhiy tarbiyaga muhtoj inson o'z bilganicha davolana olmaydi. Bunda biz uchun bosh shifokor anbiyolar sayyidi Muhammad sollallohu alayhi va sallamdirlar. U zotning tavsiyalari qalbimizga malham bo'ladi. Qo'lingizdagi "Qalblar tabobati" kitobi ma'naviy illatlardan qutulishda, eng go'zal sifatlar egasi bo'lishda sizga yaqindan yordamchi bo'ladi, inshaalloh.