Jannatim bo'lgaymisiz?

MEN, ERKAK SIFATIDA MEN Alloh taolo insonni Yer yuzida O'ziga o'rinbosar qilib yaratdi. Buning uchun farishtalarini ishga soldi. Farishtalar insonning Yer yuzida xalifa bo'lish g'oyasini tushunmay so'rashdi: «Yer yuzida buzg'unchilik qiladigan, qon to'kadigan kimsani xalifa qilasanmi? Holbuki, biz Seni hamding ila poklab yod etib, Seni muqaddaslab turibmiz-ku!» Bunga javoban Rabbimiz: «Men sizlar bilmaydigan narsalarni bilaman», dedi. Odamni yaratdi. Keyin Odamga barcha narsalarning nomini o'rgatdi. So'ng farishtalardan o'sha narsalarning nomini so'radi. Ular javob bera olmay, «O'zing poksan! Bizda Sen o'rgatgandan boshqa ilm yo'q. Bilguvchi, Hakim Zot O'zingsan!» deb, xatolarini tushunib yetishdi. Odam alayhissalom esa Alloh taolo o'rgatgan narsalarning nomini birma-bir aytib berdi. Farishtalar Odamga qoyil qolishdi.