Yulduzli tunlar (Turon zamin)

Ulug' bobomiz Zahriddin Muhammad Bobur haqida ko'plab asarlar yaratilgan. Biroq "Yulduzli tunlar" asari hamon ular orasida eng salmoqlilaridan biri bo'lib kelmoqda. O'nlab yillar o'tgan bo'lsada, kitobxonlarimiz orasida mazkur tarixiy romanga bo'lgan qiziqish hamon yuqori. Asar tarixiy haqiqatlar badiiy bo'yoqlar orqali mahorat bilan tasvirlangani, yoqimli ravon so'z yuritilishi romanni bir nafasda o'qib chiqilishiga sabab bo'ladi. Mutolaasevarlarimiz buyuk bobomizning hayotiy tajribalari, bukilmas metin irodasi, adolatpeshaligi hamda bunyodkorlik xislatlaridan ta'sirlanib, qalblarida o'zgacha iftixor tuyushadi, degan umiddamiz.