Aldanganni aldama (qissa va hikoyalar)

Inson dunyoga kelib, aqlini tanibdiki, baxt tomon talpinadi. Biroq baxt ham turfa ko'ngilda turlicha kashf qilingan. Kimdir munavvar toleni ko'zlasa, kimdir birovning dil vayronasi, ko'z yoshlari selidan baxt yasamoqchi bo'ladi. Hayotning ming bitta yo'lida adashib, xor-u zorlik ko'chalarini kezganlar ham baxt ilinjida. Axir aytishadi-ku, noumid shayton, deb. Muallif, taniqli jurnalist Muhabbat Hamidovaning badiiy ijoddagi yutug'i ham ana shunda. U obrazlarini uzoqdan emas, siz bilan bizning oramizdan tanlaydi. Kechinmalarimiz, o'y-xayollarimizdan bir shingil qo'shib, o'zimiz bilan yuzlashtirib qo'yadi.