Bolajon bobo hikoyatlari

Bolajon, tug'ma murabbiy Aziz Yoqubov butun borlig'i bilan ijodkor inson. U kishida kimdandir nusxa olish, kimgadir taqlid qilish alomatlari yo'q. Hammasi o'zining shaxsiy yondashuvi, qalb tug'yonlarining ifodasi. Ushbu to'plamdan joy olgan nasriy bitiklar ham soddaligi, ravonligi, hayotiyligi, jajji o'quvchilarga mosligi bilan ajralib turadi. Ularda bolajonlar dunyosi, ularning nozik ko'ngil kechinmalari, yorug' orzulari, intilishlari rangin bo'yoqlarda aks ettiriladi. To'plam muhtaram kitobxonlarda xush taassurot uyg'otishiga ishonib qolamiz.