Yomg'ir

Ingliz adabiyoti tarixida mashhur yozuvchi va dramaturg Somerset Moem (1874 - 1965) ijodi alohida o'ringa ega. Adib o'z asarlarida qahramonlar ruhiy olamini teran ochib bergani, badiiy so'z imkoniyatlarini yuksak mahorat bilan namoyon etgani bois juda keng kitobxonlar ommasining e'tiborini qozondi. S.Moemning «Insoniy ehtiroslarning uqubatlari" (1915), «Oy va chaqa», “Teatr” romanlari, ko'plab pyesalari va ayniqsa, 1926 yilda nashr etilgan «Kazuarin daraxti» nomli to'plamidan joy olgan ko'plab hikoyalari dunyo xalqlarining bir necha tillariga tarjima qilingan. Somerset Moem jahon adabiyotida realistik hikoyalarning mohir ustasi sifatida shuhrat qozongan. Bu hikoyalarida yozuvchi kitobxonni inson ruhiyatining murakkab dunyosiga olib kiradi, hayotga yangicha nazar bilan - ham kuyunib, ham kulib qarashga undaydi.