Turkiston mintaqasida sovet rejimiga qarshi istiqlolchilik harakati va mohiyati (1918-1935)

Monografiyada Turkistonda sovet rejimi va uning harbiy kuchlari bo'lgan qizil armiyaga qarshi 1918-1935 yillarda bo'lgan istiqlolchilik Harakatining jahon tarixida tutgan o'rni ko'rsatiladi. Muallif o'zining qariyb 35 yillik ilmiy izlanishlari natijasida O'zbekiston va xorijda saqlanayotgan o'nlab arxivlardan olingan noyob hujjatlar va materiallar, kutubxonalar va muzeylardagi ma'lumotlar, o'sha davr matbuoti sahifalari, XX asr birinchi yarmida faoliyat ko'rsatgan davlat, siyosat va harbiy arboblarning esdaliklari, og'zaki tarix materiallari hamda tarixiy tadqiqotlarning tahlili va o'zaro qiyoslash asosida Turkistondagi istiqlolchilik harakati tarixining to'liq manzarasini yarata olgan. Xususan, Turkiston qo'rboshilari, harakatning g'oyaviy rahnamolari bo'lgan jadid taraqqiyparvarlari va islom ulamolarining faoliyati hamda ota-bobolarimizning istiqlol janglari yoritilgan o'rinlar alohida qiziqish uyg'otadi va o'quvchida katta taassurot qoldiradi. Kitob Turkistondagi milliy ozodlik harakatlari tarixi bilan qiziquvchi barcha kitobxonlarga mo'ljallangan.