Yaratgan Robbing nomi bilan o'qi ! Qur'oni Karimdan maktublar

Bir gunoh ish qilishga qasd qilasiz, shunda oldingizdan janoza o'tib qoladi. Sizni titroq bosadi. Nafsingiz zaif kimsaga zulm qilishga undaydi. Kasal bo'lib qolasiz-da, tafakkur qilasiz! Odamlarga bo'lgan ishonchingizni yo'qotasiz, umidsizlikka tushasiz, shunda atrofdan ibrat olasiz. Bir gunoh ish qilib qo'yib, yuragingiz siqiladi. Shunda bir oyat eshitib, qalbingiz yorishadi. Qaysidir ish yuzasidan parishonxotir bo'lasiz, birgina nabaviy hadis tinglab to'g'ri yo'lni topasiz. Bularning barchasi Alloh tarafidan sizga yuborilgan maktub bu ilohiy xabardir. Ushbu kitobning nomi "Qur'oni karimdan maktublar" bo'lib, barcha Alloh subhanahu va taolo borasida "Bizga doimo O'ziga qaytishimiz uchun maktub ilohiy xabarlar yuborib turadi" deya iymon keltirganlarga bag'ishlangan.